Banorët e fshatit Bajçinë në Podujevë kanë ngritur shqetësime serioze për sigurinë rrugore për shkak të shpejtësisë së lartë të automjeteve në zonë. Ata raportojnë se gjatë vitit të fundit janë regjistruar rreth pesë aksidente, disa prej të cilave kanë përfunduar me makina që kanë hyrë në oborret e shtëpive. Një qytetar ka dërguar video në redaksi dhe ka kërkuar ndërhyrje urgjente nga Ministria e Infrastrukturës për vendosjen e pengesave, por deri tani nuk ka pasur veprime konkrete. Banorët ndihen të rrezikuar dhe presin masa për të parandaluar ngjarje të tjera fatale.