Banorët e lagjes Dardania, konkretisht në zonën e Kurrizit dhe rrugën “Idriz Gjilani”, vazhdojnë të përballen me ndërprerje të furnizimit me ujë për shkak të një rrjedhjeje të komplikuar të brendshme. Pavarësisht angazhimit intensiv të ekipeve të Kompanisë Rajonale të Ujësjellësit “Prishtina”, defekti nuk është arritur të sanohen gjatë ditës së mërkurë, duke shkaktuar dëme edhe në lokalet përreth. Për të lehtësuar situatën, KRU “Prishtina” ka vendosur të hapë valvulën për furnizim të pjesshëm me ujë në orët 20:00-22:00. Banorët mbeten të shqetësuar dhe presin që defekti të riparohet sa më shpejt për të rikthyer furnizimin normal me ujë.