Banorët e fshatit Gllamnik në Podujevë janë ankuar se kompania përgjegjëse për pastrimin e mbeturinave nuk po ua mbledh ato prej dy javësh. Ata kanë dërguar video ku shihen kontejnerët dhe thasët plot me mbeturina, duke kërkuar që kompania të përmbushë detyrimet kontraktuale. Kompania Pastrimi ka thënë se nuk ka kamion për të kryer shërbimin e mbledhjes së mbeturinave. Ndërkohë, kompanitë e mbeturinave zakonisht i drejtohen përmbaruesit në rast se pagesat nuk bëhen për gjashtë muaj, edhe kur mbeturinat nuk mblidhen për periudha të gjata.