Banorët e Hanit të Elezit dolën në protestë kundër përdorimit dhe djegies së gomave të përdorura si lëndë djegëse në fabrikën e çimentos SharrCem. Gjatë tubimit, ata dogjën goma si simbolikë për të shprehur pakënaqësinë e tyre ndaj kësaj praktike industriale që sipas tyre dëmton shëndetin dhe mjedisin. Me pankarta që mbanin mesazhe si “Nuk jemi eksperiment” dhe “Gomat jo, shëndeti po”, protestuesit kërkuan që zëri i tyre të dëgjohet dhe të ndërmerren masa. Ngjarja ka tërhequr vëmendjen për ndikimet e mundshme negative të djegies së gomave në komunitet dhe mjedis.