Banorët e rrugës “Ismet Dërguti” në lagjen Kodra e Trimave në Prishtinë kanë bllokuar kamionetën e mbeturinave në shenjë proteste për mosmbledhjen e rregullt të bërllokut në zonën e tyre. Ata kanë ngritur shqetësime edhe për automjetin e përdorur, duke pretenduar se kamioneta nuk është e regjistruar si duhet, pasi në pjesën e pasme mungon targa e plotë. Në vendngjarje janë parë kontejnerë të mbushur dhe qese mbeturinash të grumbulluara përreth, duke theksuar nevojën urgjente për pastrim. Pas rreth një ore bllokimi, një kamion tjetër ka ardhur për të mbledhur mbeturinat, ndërsa banorët kërkojnë reagim të shpejtë nga institucionet dhe kompanitë përgjegjëse.