Banorët e fshatit Mazhiq po përballen me mungesë të theksuar të ujit të pijshëm, një problem që po rëndon jetesën dhe po detyron largimin e shumicës së familjeve nga ky vend. Aktualisht, në fshat kanë mbetur më pak se 10 familje nga rreth 50 sa ishin më parë, ndërsa shkolla fillore është mbyllur për shkak të mungesës së nxënësve dhe transportit publik. Problemi ka ardhur për shkak të daljes jashtë funksionit të pompave që furnizojnë fshatin me ujë, ndërsa projektet për riparimin e tyre nuk janë realizuar për mungesë buxheti. Banorët kërkojnë nga Komuna e Mitrovicës dhe kryetari Faton Peci veprime konkrete dhe afate të qarta për zgjidhjen e krizës, duke paralajmëruar se nëse është e nevojshme do të kërkohet ndihmë edhe nga niveli qendror.