Banorët e Sferkës dhe fshatrave përreth Pejës kanë organizuar një protestë për të kundërshtuar gjendjen e rënduar në deponinë e mbeturinave në këtë zonë. Ata kërkojnë ndërhyrje urgjente nga institucionet për ndalimin e sjelljes së mbeturinave të reja, masa për mbrojtjen e shëndetit publik dhe gjetjen e një zgjidhjeje të qëndrueshme për menaxhimin e mbeturinave. Banorët theksojnë se djegia e mbeturinave po ndikon negativisht në cilësinë e ajrit dhe po rrezikon shëndetin e fëmijëve, të moshuarve dhe kafshëve. Thirrja e tyre është për bashkim qytetar dhe veprim të menjëhershëm për të mbrojtur jetën dhe mjedisin në zonë.