Banorët e fshatit Sverkë në Pejë vijojnë protestën pranë deponisë së mbeturinave, duke shprehur pakënaqësitë e tyre për gjendjen e krijuar dhe kërkuar zgjidhje për problemet që i shqetësojnë prej më shumë se 20 vjetësh. Protestat u intensifikuan pas një zjarri që shpërtheu në deponi më 18 korrik, duke shkaktuar tym dhe shqetësim në zonën përreth. Disa prej protestuesve janë paraqitur me maska, duke theksuar seriozitetin e situatës dhe ndikimin negativ në shëndetin dhe mjedisin lokal. Banorët kërkojnë ndërhyrje urgjente për të adresuar situatën e deponisë dhe për të parandaluar dëmet e mëtejshme në komunitetin e tyre.