Banorët e Njësisë Administrative Thumanë protestuan për të tretën herë pranë nënkalimit të autostradës Thumanë-Kashar, duke bllokuar qarkullimin për rreth një orë. Arsyet e protestës janë gjendja e rënduar dhe shkatërrimi i rrugës së Gramzës, e cila përdoret nga automjetet që devijojnë nga aksesi kryesor i autostradës. Banorët akuzojnë Autoritetin Rrugor Shqiptar dhe Bashkinë Krujë për mosinteres dhe mungesë investimesh në riparimin e kësaj rruge prej rreth 500 metrash, duke theksuar se kjo situatë po i detyron të marrin masa për të tërhequr vëmendjen e institucioneve.