Një ngjarje tragjike ka ndodhur në Gjirokastër, ku bashkëpronari i një hoteli, K.S., 60 vjeç, ka rënë aksidentalisht nga tarraca e objektit. Ai ra nga një lartësi prej rreth 15 metrash dhe u dërgua në gjendje kritike në spital, ku më pas humbi jetën. Policia dyshon se ngjarja ka qenë aksidentale dhe ka nisur hetimet për të sqaruar rrethanat dhe shkaqet e saj. Në vendngjarje mbërriti autoambulanca që e transportoi viktimën, ndërsa grupi hetimor po punon për zbardhjen e plotë të rastit.