Policia e Kosovës po përballet jo vetëm me zbulimin e armëve të paligjshme gjatë kontrolleve, por edhe me raste ku qytetarët dorëzojnë armë në mënyrë vullnetare. Ky bashkëpunim përfshin edhe qytetarë serbë nga komunat me shumicë serbe, duke treguar një nivel të ri komunikimi dhe besimi mes komuniteteve dhe institucioneve të sigurisë. Shefi i Departamentit të Planifikimit Operacional në Mitrovicën, Erduan Buliqi, thekson se dorëzimi vullnetar i armëve është një tregues i rëndësishëm i përfshirjes së qytetarëve në parandalimin e qarkullimit të armëve të paligjshme dhe forcimin e sigurisë. Në fund të gushtit, Policia ekspozoi një arsenal të madh të sekuestruar në Zubin-Potok, duke përfshirë 72 armë, mjete shpërthyese dhe mijëra copë municion, rezultat i operacioneve në 48 lokacione.