Kryeprokurori i Prokurorisë Themelore në Prizren, Petrit Kryeziu, zhvilloi një takim pune me përfaqësues nga Ambasada Britanike, ku u diskutuan sfidat dhe nevojat për bashkëpunim në luftën kundër kontrabandimit të migrantëve dhe pastrimit të parave. Gjatë takimit u theksua rëndësia e koordinimit ndërinstitucional dhe shkëmbimit të informacionit për të përballuar këto forma komplekse të kriminalitetit ndërkufitar. Kryeprokurori Kryeziu nënvizoi përkushtimin e Prokurorisë për forcimin e kapaciteteve hetimore dhe arritjen e rezultateve konkrete në parandalimin dhe ndjekjen penale. Palët vlerësuan bashkëpunimin e deritanishëm dhe nevojën për mbështetje të vazhdueshme në ngritjen e kapaciteteve profesionale dhe mekanizmave të përbashkët të hetimit.