Drejtori Ekzekutiv i Institutit të Krimeve të Kryera Gjatë Luftës në Kosovë, Atdhe Hetemi, mori pjesë në një panel diskutimi për memorializimin, organizuar nga YiHR me mbështetjen e British Council. Ai theksoi rëndësinë e dokumentimit të saktë, ruajtjes së dëshmive dhe verifikimit të fakteve si hapa kyç për ndërtimin e kujtesës kolektive. Instituti nënvizoi se ky proces mund të realizohet vetëm përmes bashkëpunimit të ngushtë mes institucioneve, shoqërisë civile, mediave, akademisë dhe partnerëve të tjerë. Sipas tyre, vetëm duke vepruar së bashku mund të krijohet një kujtesë e bazuar në fakte, që i shërben së vërtetës, drejtësisë dhe brezave të ardhshëm.