Një kontest pronësor që zgjat më shumë se 20 vjet për mbi 7 hektarë tokë në Graçanicë është kthyer për shqyrtim në shkallën e parë pas vendimit të Gjykatës Supreme të Kosovës. Kolegji i Apelit anuloi aktvendimin e shkallës së parë dhe urdhëroi rivendosjen e çështjes, duke lënë në fuqi betejën ligjore mes 18 paditësve dhe institucioneve si Agjencia Kosovare e Privatizimit dhe Komuna e Graçanicës. Paditësit kërkojnë njohjen e të drejtave pronësore bazuar në një aktgjykim të vitit 1949 dhe kompensim për pjesët e pronës që janë përdorur, ndërsa institucioni shtetëror ka kundërshtuar këto pretendime. Gjykata nuk ka marrë vendim përfundimtar për pronësinë, por ka urdhëruar rivendosjen e kërkesës për masën e sigurimit, duke i dhënë kështu një tjetër mundësi shkallës së parë për të shqyrtuar dhe vendosur mbi mbrojtjen e përkohshme të pronës.