Familja e Ministrit Elbert Krasniqi ka fituar një betejë gjyqësore kundër fqinjit të tyre, Sejdo Berisha, i cili në vitin 2023 akuzoi publikisht familjen për uzurpim të rrugës dhe pronës. Rasti, i bërë publik nga mediat në gusht 2023, shkaktoi reagime të shumta në opinionin publik, pasi Ministri Krasniqi u implikua padrejtësisht në akuzat për pronën familjare. Gjykata Themelore në Pejë ka konfirmuar pengimin e posedimit të pronës së familjes Krasniqi, duke vërtetuar se akuzat ndaj ministrit ishin të pabaza dhe të orkestruara për dëmtimin e reputacionit të tij. Përveç vendimit gjyqësor, Prokuroria ka ngritur aktakuzë për uzurpim ndaj fqinjit, ndërsa është në proces edhe padia për shpifje.