Inspektorati Komunal i Malishevës ka bërë apel të fortë për bizneset që të respektojnë oraret e grumbullimit të mbeturinave, të përcaktuara në orën 07:00 dhe 19:00 nga kompania “Eko Regjioni”. Bizneset duhet të vendosin mbeturinat vetëm brenda këtyre orareve, përndryshe do të identifikohen dhe do t’u shqiptohen gjoba sipas ligjit. Ky apel vjen në kuadër të sezonit veror, ku menaxhimi i mbeturinave ka ndikim të drejtpërdrejtë në pastërtinë dhe higjienën publike të qytetit. Inspektorati ka paralajmëruar monitorim të vazhdueshëm në terren dhe ka bërë thirrje për bashkëpunim në ruajtjen e mjedisit dhe rendit në Malishevë.