Një biznesmen rus, Dmitry Kuzmin, ka ndërruar jetë papritur nga një atak në zemër menjëherë pasi mësoi se do të përballej me burg ose do të dërgohej në luftën në Ukrainë. Kuzmin ishte akuzuar për sulmin brutal ndaj të dashurës së tij, Anzhelika Tartanova, e cila pësoi dëmtime të rënda në kokë dhe tru, duke humbur gjysmën e kafkës dhe duke pasur probleme të mëdha njohëse. Modelja, e cila u shfaq në televizion për të rrëfyer tmerrin e sulmit, ka kaluar një proces të gjatë dhe të vështirë shërimi, duke mos qenë ende në gjendje të flasë plotësisht. Sulmi i ndodhur në nëntor të vitit të kaluar ka shkaktuar trauma serioze që kërkuan ndërhyrje kirurgjikale urgjente, ndërsa Kuzmin kishte tentuar fillimisht të shmangte dënimin dhe kishte leje për t’u takuar me viktimën në spital.