Gjykata e Posaçme ka dënuar biznesmenin Rezart Taçi me 11 vite burg për veprën penale të pastrimit të parave dhe pjesëmarrje në grup të strukturuar kriminal, lidhur me një skemë të pastrimit të 18.3 milionë eurove të mafies italiane Cosa Nostra. SPAK kërkoi 13 vite burg dhe konfiskimin e mbi 18 milionë eurove të depozituara në llogari bankare në Tiranë dhe më pas të shpërndara në Hong Kong dhe Singapor. Në këtë operacion janë përfshirë edhe persona të tjerë të hetuar në Itali, ndërsa biznesmeni dyshohet se do të përfitonte rreth 3 milionë euro nga kjo skemë. Procesi ishte pezulluar për një vit për shkak të mungesës së Taçit, i cili u shpall në kërkim dhe më pas u arrestua, ndërsa SPAK ka bllokuar dhe konfiskuar shumën e përfshirë në transaksione.