Të mërkurën, më 4 mars 2026, do të ndërpritet përkohësisht qarkullimi në segmentin Kijevë–Dollc të magjistrales Prishtinë–Pejë për shkak të riparimit të një grope pranë Urës nr. 7, në vendin e njohur si Kalaja e Dollcit. Ndërprerja e trafikut do të bëhet nga ora 08:00 dhe do të zgjasë deri në përfundimin e punimeve, por jo më shumë se 48 orë. Bllokimi do të prekë rrugën nga udhëkryqi Gjakovë–Klinë deri te udhëkryqi i rrugës për Gjurgjevik, në kuadër të projektit të zgjerimit të Rrugës Nacionale N9, segmenti LOT-4. Ministria e Infrastrukturës dhe Transportit kërkon mirëkuptimin e qytetarëve për shqetësimet e mundshme gjatë kësaj periudhe.