Brad Pitt ka arritur një fitore të rëndësishme në procesin gjyqësor kundër ish-bashkëshortes Angelina Jolie, lidhur me kantinën e verës Château Miraval në Francë. Gjykata në Kaliforni ka miratuar kërkesën e Pitt për të marrë në pyetje përfaqësuesit e Stoli Group, kompanisë që bleu pjesën e Jolie në vitin 2021, pasi aktori pretendon se shitja u bë pa pëlqimin e tij dhe në kundërshtim me marrëveshjen mes tyre. Nga ana tjetër, pala e Jolie ka mohuar akuzat, duke theksuar se vendimet e fundit nuk do të ndikojnë në rezultatin përfundimtar të çështjes. Procesi gjyqësor pritet të vazhdojë edhe vitin e ardhshëm, duke lënë të hapur zhvillime të mëtejshme në këtë konflikt ligjor.