Një ish-asistente e Jeffrey Epstein, e njohur me pseudonimin Anya, ka rrëfyer për herë të parë për kontrollin e plotë dhe abuzimet që përjetoi gjatë viteve pranë financierit amerikan të akuzuar për trafikim seksual. Ajo përshkruan një sistem manipulimi dhe izolimi, ku Epstein krijonte varësi emocionale dhe financiare, duke kontrolluar çdo aspekt të jetës së viktimave të tij, përfshirë lëvizjet, kontaktet dhe pamjen fizike. Anya tregon se abuzimet filluan gjatë një periudhe kur Epstein vuante dënimin në burg dhe vijuan për vite, ndërsa ai përdorte fotografi dhe video komprometuese për t’i mbajtur viktimat nën kontroll dhe për të krijuar një “ekosistem abuzimi”. Pas vdekjes së Epstein në 2019, ajo vendosi të flasë publikisht për të ndihmuar të tjera gra të njohin dhe largohen nga marrëdhëniet abuzive, duke zbuluar metodat e errëta të manipulimit dhe frikës që mbizotëronin brenda këtij rrethi.