Një stuhi e fortë me breshëri goditi fushën e Maliqit në Korçë, duke shkatërruar në pak minuta sipërfaqe të mëdha me grurë dhe kultura të tjera bujqësore. Fermerët raportojnë se më shumë se gjysma e prodhimit të grurit u dëmtua para korrjes, ndërsa kallinjtë në shumë parcela janë rrëzuar në tokë, duke vështirësuar korrjen. Përveç grurit, breshëri preku edhe sipërfaqe me qepë dhe kultura sezonale të tjera, duke dëmtuar ekonomitë familjare të dhjetëra fermerëve. Situata ngjason me atë të para katër viteve, kur fermerët u përballën me dëme të mëdha nga kushtet atmosferike ekstreme.