Një burrë është gjetur pa shenja jete në banesën e tij në Mitrovicë mesditën e së hënës, ndërsa në vendin e ngjarjes kanë dalë njësitë policore dhe ekipi mjekësor emergjent. Vdekjen e viktimës e ka konstatuar ekipi mjekësor në vendin e ngjarjes, ndërsa trupi i pajetë është dërguar në Institutin e Mjekësisë Ligjore për obduksion me vendim të prokurorit. Rasti është cilësuar si “hetim mbi vdekjen” dhe autoritetet po vazhdojnë hetimet për të sqaruar shkaqet e ngjarjes. Nuk janë dhënë detaje të mëtejshme në lidhje me rrethanat e vdekjes së tij.