Një byzylyk elektronik, që 32-vjeçari i dyshuar ishte i detyruar ta mbante pas një dënimi për dhunë ndaj ish-partneres, u bë prova kyçe që çoi policinë franceze te ai si i përfshirë në vrasjen e influencers Sonia Bellina. Të dhënat nga byzylyku treguan se ai ndodhej pranë vreshtave të Saint-Gilles natën kur 29-vjeçarja u gjet e vrarë dhe pjesërisht e djegur. Hetuesit analizuan edhe komunikimet në rrjetet sociale dhe kamerat e sigurisë, duke arritur të lidhin automjetin e të dyshuarit me vendin e ngjarjes. ADN-ja e tij u gjet në trupin e viktimës, ndërsa ai pranoi takimet me Bellinën, por mohon vrasjen. Hetimet vazhdojnë për zbardhjen e plotë të ngjarjes dhe publikimin e rezultateve të autopsisë.