Në Kampin e Njësive Speciale në Vrellë u mbajt ceremonia e certifikimit të dy qenve policorë, një nga Policia e Kosovës dhe një nga Policia e Shqipërisë, të siguruar si donacion nga Ambasada e Francës. Trajnimi SAMBI, i cili zgjati 16 javë dhe u mbikëqyr nga instruktorë francezë me përkrahjen e OSBE-së, përfundoi me sukses në periudhën 9-12 mars 2026. Në ceremoni morën pjesë zyrtarë vendorë dhe ndërkombëtarë, duke theksuar rëndësinë e bashkëpunimit ndërmjet Policisë së Kosovës, Ambasadës së Francës dhe OSBE-së për ngritjen e kapaciteteve profesionale të Njësisë K9. Ky bashkëpunim synon forcimin e luftës kundër krimit, përfshirë zbulimin e drogës, armëve dhe materialeve të falsifikuara, si dhe avancimin e bashkëpunimit rajonal në luftimin e krimit ndërkufitar, me zotimin për vazhdimin dhe thellimin e bashkëpunimit ndërinstitucional dhe ndërkombëtar.