Avokati Tomë Gashi ka sqaruar se trupi gjykues në Gjykatën Speciale në Hagë përbëhet nga tre gjyqtarë kryesorë, ndërsa një i katërt shërben vetëm si rezervë. Ky gjyqtar i katërt ndjek të gjitha seancat, por nuk merr pjesë në votim dhe mund të zëvendësojë ndonjë nga tre gjyqtarët në rast sëmundjeje apo pamundësie. Gashi ka dhënë këto informacione pak ditë para pritjes së aktgjykimit ndaj ish-krerëve të Ushtrisë Çlirimtare të Kosovës. Ai shpreh bindjen se, duke marrë parasysh situatën në Kosovë dhe gjatë luftës, aktgjykimi do të jetë lirues për të akuzuarit.