Një aksident trafiku ka ndodhur në rrugën “Mbretëresha Teutë” në qendër të Pejës, ku janë përfshirë një veturë dhe një motoçikletë. Fillimisht nuk dihej nëse kishte persona të lënduar, por më vonë zëdhënësi i Policisë për rajonin e Pejës, Driton Rugova, konfirmoi se një person ka pësuar lëndime trupore dhe është dërguar për trajtim në Spitalin Rajonal të Pejës. Njësitet kompetente janë nisur në vendin e ngjarjes për të hetuar rrethanat e aksidentit, të cilat mbeten ende të paqarta. Policia po vazhdon hetimet për të sqaruar shkaqet dhe pasojat e kësaj ngjarjeje në qendër të qytetit.