Këngëtari i njohur amerikan Chris Brown është shpallur përgjegjës nga një juri për sulmin e qenit të tij ndaj ish-shërbyeses Maria Avila në vitin 2020 në pronën e tij në Los Angeles. Ai është detyruar të paguajë 13 milionë dollarë dëmshpërblim, pas një incidenti ku qeni i racës Bari Kaukazian, Hades, sulmoi Avila-n ndërsa ajo po nxirrte mbeturinat. Gjatë gjyqit, Avila rrëfeu momentet e rënda që përjetoi dhe mungesën e reagimit të menjëhershëm nga këngëtari, i cili mohoi përgjegjësinë duke pretenduar se ajo kishte provokuar kafshën. Pavarësisht se padia fillestare kërkonte 90 milionë dollarë, juria vendosi një shumë më të ulët, megjithatë kjo mbetet një goditje e rëndë financiare për artistin, i cili vazhdon të përballet me akuza të tjera ligjore.