Vlora Çitaku, sekretarja e PDK-së, ka konfirmuar ekskluzivisht në emisionin DPT te Fidani se ka qenë në Prokurori lidhur me rastin e profilit të famshëm “Lule Gjelin” në Facebook, i cili kishte sulmuar rëndë figura publike dhe politike. Ajo e ka bërë këtë hap për të inkurajuar edhe të tjerët që kanë qenë viktima të sulmeve çnjerëzore dhe për të ndihmuar zbardhjen e skemës që qëndron pas këtyre profileve anonime. Çitaku thekson se sulmet nuk kanë qenë thjesht politike, por kanë kaluar në një nivel çnjerëzor dhe se pas këtyre profileve qëndrojnë organizatorë të motivuar. Ajo u bën thirrje qytetarëve të jenë të kujdesshëm ndaj lajmeve të rreme që qarkullojnë në mediat sociale.