Influencuesja turke Çagla Oz Tançalan është përfshirë në një hetim penal pas dasmës së saj spektakolare në Van, ku u shfaqën sasi të mëdha ari dhe para si dhurata. Bashkëshorti i saj, Mehmet Fatih Tançalan, u arrestua për dyshimin e pastrimit të parave të përfituara nga veprimtaria kriminale, ndërsa edhe ndaj Çaglas u lëshua urdhër arresti dhe ajo u ndalua në Stamboll. Pas procedurave, ajo u transferua në Van dhe më 14 shtator gjykata vendosi arrestimin e saj në kuadër të hetimit që po vazhdon të zgjerohet edhe te persona të tjerë të afërt. Çagla, e njohur për aktivitetin e saj në rrjetet sociale dhe fushën e modës, tani përballet me akuza serioze që kanë tronditur publikun turk.