Këshilli i Bashkësisë Islame të Rajonit të Gorës ka dënuar ashpër vrasjen e imamit Gazmen Tairovci nga fshati Zlipotok në komunën e Dragashit, duke shprehur pikëllimin e thellë për këtë ngjarje tragjike. Në reagimet e tyre, ata kanë bërë thirrje për zbardhjen e plotë të rrethanave nga institucionet kompetente dhe kanë kërkuar që drejtësia të vihet në vend sa më shpejt. Këshilli ka apeluar tek besimtarët dhe opinion publik që të tregojnë maturi, të mos përhapin informacione të paverifikuara dhe të respektojnë privatësinë e familjes së të ndjerit. Sipas informacioneve të disponuara, vrasja ka ndodhur për arsye private, konkretisht për një mosmarrëveshje lidhur me prerjen e barit, dhe nuk ka lidhje me detyrat fetare që imami ushtronte.