Gjykata në Xhenova ka dënuar me 12 vjet burgim Giovanni Castelluccin, ish-kreun e kompanisë “Autostrade per l’Italia”, për shembjen e urës Morandi në vitin 2018, një ngjarje që shkaktoi vdekjen e 43 personave. Tragjedia ndodhi gjatë një stuhie shiu, kur ura u rrëzua duke përplasur automjete dhe kamionë, duke lënë pas dhjetëra të plagosur. Përveç Castelluccit, i cili po vuan edhe një dënim tjetër prej 6 vjetësh për një aksident tjetër, u dënuan edhe zyrtarë të tjerë të kompanisë, përfshirë Michele Donferri Mitelli me 11 vjet burgim. Vendimi është pritur pozitivisht nga familjarët e viktimave, të cilët e konsiderojnë atë si një hap drejt drejtësisë dhe përgjegjësisë për tragjedinë e rëndë.