Një 41-vjeçar nga Prizreni është dënuar me 14 muaj burgim nga Gjykata Themelore në Ulqin për shkaktimin e një zjarri të madh në një objekt afarist në qershor të vitit të kaluar. Zjarri nisi pasi ai hodhi bishtin e cigareve, duke shkaktuar dëme të konsiderueshme materiale në kompaninë “Agris”. Gjykata ka marrë parasysh rrethanat personale të të pandehurit, duke vlerësuar si lehtësuese faktin që ai është i martuar dhe baba i dy fëmijëve, ndërsa si rrethanë rënduese është dëmi i madh i shkaktuar. Palët kanë të drejtë të ankohen brenda tetë ditësh nga marrja e aktgjykimit.