Presidenti i Fenerbahçes, Sadettin Saran, është dënuar me dy vjet e gjysmë burgim për baste të paligjshme, një vendim që erdhi nga një gjykatë në Stamboll dhe prek edhe vëllain e tij, Alan Kenan. Ata u gjobitën gjithashtu me rreth 10 mijë euro secili, ndërsa akuzat lidhen me reklamat e lojërave të fatit të paligjshme gjatë një ndeshjeje futbolli të transmetuar në një grup mediatik në pronësi të Saranit. Dënimi vjen në një moment kritik, vetëm pak ditë para Mbledhjes së Jashtëzakonshme Zgjedhore të Asamblesë së klubit, duke krijuar tension në radhët e gjigantit të Stambollit. Avokatët mbrojtës kërkuan pafajësi, ndërsa këshilltari ligjor i Saranit theksoi se vendimi nuk është përfundimtar dhe do të apelohet në instancat më të larta.