Gjykata Themelore në Mitrovicë ka dënuar me 17 vjet burgim B.D për vrasjen e 19-vjeçarit Ardit Zymeri në Vushtrri, duke rikualifikuar veprën penale nga “vrasje e rëndë” në “vrasje”. I akuzuari është dënuar me 16 vjet për vrasje dhe 2 vjet për armëmbajtje pa leje, me një dënim unik prej 17 vjetësh. Ngjarja ka ndodhur më 23 mars 2025, kur B.D ka shtënë tri herë me armë zjarri ndaj viktimës, e cila ka ndërruar jetë në spitalin e Vushtrrisë. Pas shpalljes së aktgjykimit, familjarët e viktimës kanë reaguar me revoltë në sallën e gjyqit, duke shprehur pakënaqësi dhe duke kritikuar ashpër vendimin e gjykatës.