Gjykata Rajonale e Magdeburgut ka dënuar me burgim të përjetshëm Taleb Al Abdulmozen, autorin e sulmit vdekjeprurës në tregun e Krishtlindjeve në Magdeburg më 20 dhjetor 2024. Në këtë sulm humbën jetën gjashtë persona, përfshirë një djalë 9-vjeçar dhe pesë gra, ndërsa mbi 300 të tjerë u plagosën, disa në gjendje të rëndë. Hetimet zbuluan se sulmi nuk kishte motive ideologjike, por ishte i nxitur nga arsyet personale dhe një çrregullim narcisist i personalitetit, sipas ekspertizës mjekoligjore. Taleb Al Abdulmozen, i cili kishte marrë azil në Gjermani dhe punonte si psikiatër, u arrestua menjëherë pas sulmit dhe tani do të vuajë dënimin për këtë ngjarje që tronditi vendin.