Një media e madhe suedeze, “Dagens Nyheter”, ka raportuar për dënimin me burgim të përjetshëm të Naim Murselit, i cili u shpall fajtor si porositës i vrasjes së bashkëshortes së tij, Liridona Ademaj. Rasti i ndodhur në nëntor të vitit 2023 ka tërhequr vëmendjen për shkak të lidhjeve të çiftit me Suedinë dhe Kosovës, si dhe motivit financiar që lidhet me një sigurim jete prej rreth 280 mijë eurosh. Sipas dokumenteve të gjykatës, çifti kishte tentuar të divorcohej në vitin 2019, por më pas kishin ndryshuar mendje. Vëllai i viktimës ka shprehur dhimbjen për fëmijët që nuk do të shohin më nënën e tyre, ndërsa fëmijët janë vendosur në shtëpi kujdestarie në Suedi.