Gjykata Themelore në Prizren ka shpallur fajtor një person për organizim të luftimit të qenve dhe e ka dënuar me 300 euro gjobë, njoftoi Fondacioni për të Drejtat e Kafshëve. Organizata ka shprehur zhgënjim që dënimet deri tani janë vetëm me gjobë dhe ka vënë në dukje mungesën e masave të tjera ligjore, si konfiskimi i kafshëve dhe ndalimi i mbajtjes së tyre nga personi i dënuar. Fondacioni thekson se këto masa janë të parashikuara në ligj dhe janë të nevojshme për parandalimin e abuzimeve të mëtejshme ndaj kafshëve. Po ashtu, organizata falënderoi qytetarët për raportimet e rasteve të keqtrajtimit, duke theksuar rëndësinë e tyre për hetimin dhe ndjekjen penale.