Gjykata Themelore në Prishtinë ka shpallur dënim me gjobë prej 2,500 eurosh ndaj Liman Berishës, i akuzuar për kanosjen e moderatorit Alaudin Hamiti. I akuzuari kishte pranuar fajësinë dhe shprehur pendesë, ndërsa prokuroria nuk e kundërshtoi pranimin e fajësisë. Dënimi mund të paguhet në dy këste, ndërsa koha e kaluar në arrest shtëpiak do të llogaritet si pagesë për pjesën e gjobës; në rast mospagesë, gjoba do të zëvendësohet me burgim. Kërcënimet ishin bërë nëpërmjet mesazheve në Facebook, duke shkaktuar frikë dhe pasiguri te moderatori, ndërsa çështja civile për kërkesën pasurore do të vazhdojë në kontest të rregullt juridiko-civil.