Një i burgosur në Burgun e Hajvalisë ka denoncuar keqtrajtim nga dy gardianë, duke pretenduar se është goditur me grushta dhe shqelma pas një mosmarrëveshjeje për produkte ushqimore. Ngjarja, që dyshohet të ketë ndodhur më 30 prill, është raportuar më 3 maj dhe ka nxitur nisjen e një hetimi nga policia dhe Prokuroria. Gardianët e akuzuar kanë mohuar pretendimet, duke thënë se i burgosuri kishte sjellje të papërshtatshme dhe nuk i ishte bindur urdhrave. Rasti po trajtohet si “Keqtrajtim gjatë ushtrimit të detyrës zyrtare” dhe mbetet në procedurë të rregullt, ndërsa të gjithë personat janë të konsideruar të pafajshëm deri në vendim përfundimtar gjyqësor.