Rrjeti i Grave Gazetare të Kosovës ka denoncuar në Policinë e Kosovës rastin e shpërndarjes së paligjshme të të dhënave personale dhe ngacmimit seksual online ndaj gazetares Ardiana Thaçi-Mehmeti. Drejtorja Ekzekutive e Asociacionit të Gazetarëve të Kosovës, Getoarbë Mulliqi, së bashku me gazetaren dhe avokatin Yll Zekaj, kanë paraqitur rastin në Drejtorinë për Hetimin e Krimeve Kibernetike. Ky është rasti i tretë i ngacmimit online me të njëjtën natyrë që gazetarja ka përjetuar në dy vitet e fundit. Rrjeti i Grave Gazetare thekson se do të qëndrojë pranë Ardianës dhe të gjitha gazetareve që përballen me dhunë dhe ngacmime online, duke i inkurajuar të raportojnë çdo rast të tillë, dhe shpreson që institucionet përgjegjëse do të veprojnë me urgjencë për hetimin dhe ndëshkimin e përgjegjësve.