Rreth 30 vjet pas vrasjes së reperit legjendar Tupac Shakur në Las Vegas më 7 shtator 1996, dëshmi të reja po hedhin dritë mbi ngjarjen që tronditi skenën e muzikës hip-hop. Duane “Keffe D” Davis, i arrestuar në vitin 2023 dhe i akuzuar për organizimin e sulmit, përballet me gjyqin që nis më 10 gusht, ndërsa hetuesit po rishikojnë rolin e personazheve të ndryshëm në ngjarje. Një dëshmi e re sugjeron se autori i të shtënave mund të ketë qenë Deandre “Big Dre” Smith, dhe jo Orlando Anderson, siç besohej më parë, pasi Anderson nuk kishte pozicionin e duhur për të qëlluar. Megjithatë, policia nuk ka gjetur as makinë Cadillac nga e cila u krye sulmi, as armën e përdorur, ndërsa shumica e personave të përfshirë në incident kanë ndërruar jetë gjatë viteve të fundit.