Prokuroria Speciale e Kosovës ka ngritur aktakuzë ndaj 35 shtetasve serbë të dyshuar për krime lufte, duke përfshirë në dosje edhe dëshminë e Besarta Jasharit, një nga mbijetueset e sulmit të marsit 1998 në Prekaz. Ajo ka rrëfyer momentet e para të sulmit, kur familja u zgjua nga të shtënat dhe u strehuan në bodrumin e shtëpisë, ndërsa rrethimi vazhdoi me përdorimin e armatimit të rëndë si tanke dhe granata. Gjatë ditëve në vijim, shtëpia u godit vazhdimisht, duke plagosur disa anëtarë të familjes dhe dëmtuar dhomën ku ishin strehuar nga plumbat dhe copëzat e granatave. Në dëshminë e saj, Besarta përmend se sulmet vazhduan deri më 7 mars 1998, kur u vra heroi Adem Jashari, ngjarje që ajo e mësoi nga Kushtrimi, i cili i tha: "E paskan vra babushin".