Në Dhomat e Specializuara të Kosovës në Hagë ka filluar dëshmia e dëshmitarit të dytë të Prokurorisë në gjykimin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit për vepra penale kundër administrimit të drejtësisë. Dëshmitari Kun Herlar, ekspert i kriminalistikës nga Instituti i Kriminalistikës së Holandës, ka shpjeguar rolin e tij në analizën e dokumentacionit dhe gjurmimeve të ndryshme për të evidentuar lidhjet mes provave dhe të dyshuarve. Gjatë seancës, disa nga të akuzuarit kërkuan ndryshimin e kushteve të lirimit, por kërkesat e tyre nuk u shqyrtuan në detaje dhe Prokuroria u detyrua të zgjerojë parashtrimet më vonë. Hashim Thaçi, i pranishëm përmes video-lidhjes, u anku për mungesë përkthimi gjatë seancës.