Në seancën e gjykimit për vrasjen e Ismet Ibishit më 12 shkurt 2025 në një kafiteri në Skenderaj, dëshmitari Safet Ismajli ka dhënë versionin e tij për ngjarjen. Ai tregoi se viktima ishte ulur me një person tjetër dhe se i pandehuri Hisni Ibishi hyri në lokal dhe iu drejtua viktimës me fjalën “deshu” para se të qëllonte me armë. Dëshmitari përmendi se në lokal u krijua tym dhe mjegull nga krismat, duke e bërë të vështirë të shihej qartë se ku ishin goditjet. Gjatë seancës u diskutuan edhe kërkesa për sigurimin e dokumentacionit mjekësor të të pandehurve dhe kryerjen e ekzaminimeve psikiatrike, ndërsa prokurori kundërshtoi propozimet e mbrojtjes për zvarritje të procedurës. Seanca e ardhshme është caktuar për 30 qershor.