Seanca fillestare ndaj Liman Berishës, i akuzuar për kanosje ndaj moderatorit Alaudin Hamiti, dështoi për shkak të mungesës së të dëmtuarit në gjykatë. Gjykatësi Eroll Gashi konstatoi se Hamiti nuk kishte pranuar ftesën për pjesëmarrje, duke bërë të pamundur mbajtjen e seancës. Berisha akuzohet se më 26 nëntor 2024 kishte dërguar mesazhe kanosëse në Facebook, duke kërcënuar Hamitin për shkak të deklaratave ndaj ish-banorit të “Big Brother”, Edi Gashi. Në seancë ishin prezent Berisha me avokatin dhe prokurori, ndërsa aktakuza e Prokurorisë Themelore në Prishtinë ngarkon Berishën me veprën penale “Kanosja” sipas Kodit Penal të Kosovës.