Seanca e Apelit ndaj policit Argjend Kastrati, i dënuar me 4 vjet burg për aksidentin ku humbi jetën një 26-vjeçare, dështoi të mbahet për shkak të angazhimeve të avokates mbrojtëse Majlinda Sadikaj. Kastrati është dënuar nga Gjykata Themelore në Pejë më 1 korrik 2025 për veprën penale “Rrezikim i trafikut publik”, pasi me makinë ka goditur viktimën duke e lënë të vdekur. Në momentin e aksidentit, Kastrati po lëvizte me shpejtësi 89.31 km/h në një zonë me kufizim 60 km/h dhe nuk i dha përparësi këmbësores, duke shkaktuar plagë të rënda që i morën jetën viktimës. Seanca e radhës në Apel është caktuar për muajin maj, ndërsa pala e dëmtuar ishte e pranishme me avokatin e saj gjatë seancës së dështuar.