Humbja e 15-vjeçarit Alvi Muhaxhiri nga Durrësi, i cili vdiq në një aksident tragjik në Manzë, ka tronditur thellë komunitetin e tij. Shkolla ku ai studionte, gjimnazi “Leonik Tomeo”, ka shprehur ngushëllimet më të sinqerta dhe ka theksuar se ikja e tij la një boshllëk të madh në bankat e shkollës dhe në zemrat e mësuesve dhe shokëve. Përveç Alvit, në aksident humbën jetën edhe çifti i sapomartuar Kleo Vrioni dhe Sara Brugentelli, ndërsa dy të rinjtë e tjerë mbeten të plagosur dhe po luftojnë për jetën në spital. Lamtumira e fundit për 15-vjeçarin do të mbahet sot në orën 18:00, ndërsa kujtimi dhe buzëqeshja e tij do të mbeten përgjithmonë të gjalla në shkollë.