Në zonën e ish-Kënetës në Durrës u mbajt ceremonia mortore për dy fëmijët e mitur, K. Nikolli dhe E. Muça, të cilët humbën jetën pasi u përplasën nga një 57-vjeçar. Ngjarja ka tronditur komunitetin dhe familjarët, të cilët u mblodhën për t’u dhënë lamtumirën e fundit dy vogëlushëve. Nënë e njërit prej fëmijëve, e cila ndodhej në Itali pranë bashkëshortit të saj të sëmurë rëndë me kancer, ka parë tragjedinë përmes kamerave të sigurisë dhe ka reaguar me dhimbje të thellë, duke thënë se “ma vranë djalin në derë të shtëpisë”. Babai i fëmijës ndodhet gjithashtu në gjendje të rëndë shëndetësore, duke e bërë këtë humbje edhe më të rëndë për familjen, e cila po përballet me një goditje të dyfishtë mes sëmundjes dhe dhimbjes së madhe.