Një ngjarje e rëndë ka ndodhur në Tetovë, ku një 36-vjeçar i identifikuar si K.B. është privuar nga liria pasi ka sulmuar fizikisht nënën e tij 62-vjeçare në shtëpinë e tyre familjare. Ngjarja ka ndodhur rreth orës 11:00, ndërsa gjatë ndërhyrjes policore është konstatuar se ai ishte nën ndikimin e alkoolit, me 1.49 promilë në gjak. Përveç dhunës ndaj nënës, i riu ka dëmtuar edhe mobiliet në shtëpi, duke shkaktuar dëme materiale. Pas ndalimit dhe dokumentimit të plotë të rastit, ndaj tij do të ngrihet parashtresë përkatëse, ndërsa ngjarja ka tronditur komunitetin lokal.